Este concerto trata de evocar as sensacións e vivencias que se poden atopar os peregrinos nos distintos Camiños de Santiago facendo fincapé nos que discorren pola nosa comarca como poden ser «O Camiño da Geira Romana e dos Arrieiros» e o «Camiño Minhoto-Ribeiro».

Nel poderemos escoitar o son da gaita, o tradicional Conxuro da Queimada, visitar as terras do reino de Bría a través das Covas do rei Cintolo ou adentrarnos no mundo dos mortos a través da Porta do Alén segundo conta a súa lenda.